У рамках Года малой Радзімы ў Палацы дзяцей і моладзі Наваполацка прайшло адкрыццё выставы, на якой былі прадстаўлены дзіцячыя малюнкі, прысвечаныя творчай дзейнасці Навума Гальпяровіча.
На мерапрыемстве сабраліся прыхільнікі творчасці вядомага паэта, наваполацкія школьнікі.
— Сённяшняя падзея выклікае таксама вельмі шчымлівыя пачуцці. Юныя мастакі дакрануліся да маёй творчасці. Гэта заўсёды адказна, гэта заўсёды прыемна, — адзначыў Навум Гальпяровіч.
— У сваіх малюнках паспрабавалі перадаць усё тое пачуццё малой Радзімы, якое адчуваецца ў вершах нашага земляка, паэта Навума Гальпяровіча, — распавяла кіраўнік гуртка «Вяселка» Палаца дзяцей і моладзі Наваполацка Таццяна Антановіч.
Са сцэны гучалі вершы аўтара ў выкананні юных навапалачан. У канцы сустрэчы юным удзельнікам выставы падарылі кнігі, падпісаныя аўтарам — зборнік вершаў «Сюжэт для вечнасці», а таксама кнігу Максіма Багдановіча «Слуцкія ткачыхі».
— Я хочу поблагодарить вас за ваше творчество, за неиссякаемую энергию, за позитив, который вы дарите в своих работах нам, — сказала на імпрэзе дырэктар Палаца дзяцей і моладзі Наваполацка Наталля Серакова.
Дэбют ураджэнца Полацка Навума Гальпяровіча як паэта адбыўся ў 1967 годзе з публікацый вершаў у газеце «Хімік». З 1977 года праца і творчасць Навума Гальпяровіча была звязаная з Наваполацкам — менавіта тут ён адбыўся як журналіст і паэт. Сёння ён узначальвае замежнае вяшчанне Беларускага радыё.
Любоў САЎКО.
Відэа Сяргея ЗАЛЫНСКАГА.
В рамках республиканской профилактической акции сотрудники отделения по противодействию киберпреступности Полоцкого РОВД провели рейд совместно…
В рамках республиканской акции "Безопасная цифровая среда" сотрудники Полоцкого РОВД провели ликбез для учащихся филиала…
Афиша НПИКМЗ
С 19 по 22 ноября в Полоцке пройдёт грандиозное театральное событие! В рамках фестиваля "УМОЎНО"…